أقوى مراجعة نهائية لمادة الأدب للثانوية الأزهرية ( إزاي تقفل الأدب) + مذكرة أدب ونصوص علمي- دروس عربية

السلام عليكم ياشباب عاملين إيه يارب تكونوا بخير وسلام، هنا أنا هسيبلكم رابط المذكرة اللي شرحنا منها المراجعة النهائية في منتهى القوة على مادة الأدب على اليوتيوب، لأنها شرح كامل لكل كلمة في المنهج وخلي بالك إن كل ده في أقل من ساعه. يعني إنت في أقل من ساعة هتبقا انتهيت من مادة الأدب تماما وجاهز للامتحان فيها بإذن الله تعالى

طب لو انت مش عايز تبقى جاهز للامتحان بس، لو عايز تقفل الأدب تعمل إيه

بص يا سيدي الموضوع سهل وبسيط،  لو انت سمعت المراجعة دي للنهاية مرة واحدة هتبقا جاهز للامتحان بنسبة 65% تقريبا، طيب لو سمعتها مرتين كاملين، هتبقا جاهز بنسبة 80% ، طيب لو سمعتها تلات مرات النسبة دي هتعلا حسب تركيزك وذكائك، والطبيعي إنها توصل لـ 100% تمام كدا.

هتقولي لأ مش تمام، هو انا يعني لما أسمع الدرس بس هبقا جاهز للامتحان، يعني محلش شويه تمارين وأسئلة الامتحانات السابقة

لأ طبعا لازم تحل دا شيء مفروغ منه، بس أنا نسيت أقولك إن المراجعة دي يا حبيبي جامعة معظم الأسئلة اللي جت في الامتحانات السابقة وبنبهك عليها كل شويه زي ما هتشوف دلوقتي

دا غير إن في نظرية علمية بتقول إن المذاكرة من الكتاب فائدتها بتبقا: 40% تقريبا، أما لو ذاكرت عن طريق تسجيل أو صوتيات بس بتبقا الاستفادة بنسبة 60% أما بقا لو ذاكرت عن طريق الفيديو بتبقا الاستفادة بنسبة 70 و 80 % ودا من أول مرة، لأن الكلام بتسمعه بودانك وبتشوفة وبتقراه بعنيك ، فبيتحفر في ذهنك بشكل رائع، فهو دا اللي خلاني أقولك إنك لو سمعت المراجعة دي أكتر من مرة هتقفل بإذن الله تعالى

طيب دلوقتي بقا اتفضلوا رابط المذكرة اللي شرحت منها المراجعة عشان لو حد حابب يراجع ورايا .... اضغط هنا

وكمان مذكرة النصوص عشان الناس اللي بتسأل عنها اتفضلو اضغط هنا

وكمان هسيبلك الفيديو تحت عشان لو عايز تذكر معايا وأنا بشرح، مع الفيديو لوحده كفيل إنه يوديك في حته تانيه خالص بإذن الله تعالى

بس الموضوع محتاج شوية اجتهاد يا شباب، هي أيام بسيطة ولكن هي للأسف بتحكم على مستقبلك بشكل كبير، فاجتهد متدخرش نقطة عرق، ذاكر بذكاء وبتخطيط زي ما قلنا كدا هتوفر على نفسك وقت كبير، وبالمناسبة كل اللي قلناه ده لو طبقته على كل النصوص مش هياخد منك أكتر من 8 ساعات تقريبا لو انت أدبي كمان، فالموضوع في إيدك